Forfatter: dholm

Nýggjársaftan er ein av stóru døgunum í Vági og umframt spennandi skrá kring midnáttarleitið, so er nú eisini útikonsert við Miðlatún komið á skránna nýggjársaftan.

Eitt av kendu tiltøkunum á nýggjárunum í Vági er faklagongan vestur gjøgnum býin, kring Sandin og útaftir á Tríkantin har ein dreka-skrýddur bátur við skjøldrum stendur klárur at fara sína seinastu ferð.

Nýggjárshaldið í Vági er helst tað størsta og kendasta nýggjárshaldið í Føroyum, sum ár undan ári dregur fólk til Vágs á ársins síðsta degi. Í fjør varð nýggjárshaldið merkt av koronastøðuni, soleiðis verður lutvíst eisini í ár, hóast stórir partar av kendu skránni verða gjøgnumførdir sum vant.

Nýggjársnevndin í Vági selur fýrverk í Stóra Pakkhúsi í Vági frá 27. Desember til 31. Desember.

Nýggjárshaldið í Vági er eitt av heilt stóru tiltøkunum í Føroyum, har vágbingar og vitjandi ár um ár hátíðarhalda at farið verður um ársskiftið, takka fyri brátt farna árinum og ynskja nýggja árinum vælkomnum.

Fyrireikingarnar til nýggjárshaldið í Vági hava verið ígongd síðani seint í summar og nú nærkast stóra tiltakið.

Sálmurin “Tíðin rennur sum streymur í á” man fyri vágbingar og vitjandi í Vági nýggjárunum verða ein av stóru og kenslubornum løtunum við Tríkantinum á Sandinum nýggjársaftan.